يالله ياللي خلقت الشوق واجريته

في نهر شريان من بالشوق أولاني

بأشواق قلبه وأنا بالشوق جاريته

غصب على القلب ماحبيت بالعاني

متمكنٍ والعطاء اسمه ماسميته

متمركز وسط قلبي خلف ضلعاني

اسألك ياللي تطوف الخلق في بيته

بالكعبه وتلتزم مابين الأركاني

اسألك ياللي لما ضاقت ترجيته

انك تيسر لها القاصي مع الداني

يارب جيتك ذنوبي حمل وأزريته

وبك الرجاء مأرتجي غيرك حدن ثاني

وجهي سجد لك وهامة رأسي احنيته

خضوع لك وأمتثال لخمس الأركاني

والقلب يارب في طاعتك مشيته

وأن زل فالعفو منك لأني انساني

واللي عطاني غلاه وشوقه وجيته

شوق وغلا ما حظى به غيرها ثاني

في زحمة الوقت قابلني وحييته

وحمرة خجلها تجلت فوق الأوجاني

تسمرت نظرتي عليه وظمِيِته

وحاولت اداري شعوري بس ما امداني

قلت أرحبي مالمع برق وتحاييته

ياللي طيوفك تولت جُل وجداني

الشوق (بوشٍ) على قلبي و (تكريته)

انتي وموطن غلاه ونصفه الثاني

يافاتنة راهبٍ زل وتوليته

بأبداع خالق وسحر بحكي الأعياني

لولا حيائه,, ومابين العرب صيته

وخوفه عليك,, ولولا قوً الأيماني

خذاك في كشن (بي_إمه) ولبيته

و وزا الخميني كبير الشعب الإيراني

لكن رأسي رفيع وقدره اعليته

وقلبي تحملت تعذيبه لو أشقاني

لأنه عرف ينتقي يوم أني امديته

مَن دونها تقصر خطى كل شفقاني

والمعذره لو فلت قلبي وجاريته

جزء من اللي طرى لي جاء على لساني