خوّة ردي الروابع ما تشرّفني

وش لي بخوة مره في ثوب رجّالي

وعلى مخاواه ما ربي مكلّفني

يمشي بحاله وانا باروح في حالي

يفكّر انّه على عقله يصرّفني

وانا لو آموت ما جبته على بالي

والله لابيعه قبل لا يحترق جفني

ومادام طبعه كذا والله مايبرا لي

وما يكسب الود لو للطيب صنّفني

الناس تدري بمنزاله ومنزالي

الناس باخلاقي الزينة تعرّفني

وإلا الردي ضاربن له وادين خالي

وانا على الظن عقلي ما يخلّفني

وديني ودين الردى والقيل والقالي

اقولها كاش يومه زين عارفني

“وماحب اجامل ولو هو واحدن غالي”