تعال مابااقي من العمر حاجه

تعال دام انك وصلت وتعنيت

اقلط تربع وسط سدري وناجه

وابشر ترى قلبي على ماتمنيت

يلعن ابو من لا يعدك خراجه

ومن لا يصونك من عيون الهلافيت

ياللي غرامك وسط سدري رواجه

وعلى خفوق صار لك 1000 مانشيت

الصد والهجران اكبر سماجه

والقرب يجمع خاطر الحي بالميت

يقوله اللي صار فيه ارتجاجه

ويجاذب الونات خلف التناهيت

ومجنون حبك لو تكدر مزاجه

فل القصايد فل شاعر عفاريت

لبيه يأم الدلعنه والغناجه

لبيه لك لبى يالبى يالبيت

يانبض قلبي ياهواه وعلاجه

لد النظر للي عروقه مفاليت

مدري مع الايام عاد نتواجه

ولا على ماقيل بالخير مسيت

ولا انت فيني مندمج اندماجه

الى الابد ياطيب الذكر والصيت

أأواه يادمعٍ يزيد اندراجه

واواااه ياجو الحزن والتشاتيت

وااواه ياقلبٍ يزيد انبلاجه

على غياب اللي حروفه مناحيت

اقسم برب اللي عرج به عراجه

في غيبته ماني بحيٍ ولا ميت

امشي على كيفه وكيف انتهاجه

مافيه يومٍ اصدر امره وعيت

وين انت يانور الشعر ياسراجه

ماني مصدق انك اصلاً تخليت

اللي غرامه عشق ماهو هماجه

غرام يجمعنا بعيشه وفي بيت

ابغى ولدها بالقا والمواجه

لاصاح يجمع له قبايل لها صيت

تاقف معه في يوم ثاير عجاجه

لا صاح باسمي صحت فيه وتعزويت

عريب خال وفي خواله نهاجه

وقرمٍ مثل عمه وياليت ياليت

دايم افكر كيف عاد نتواجه

الله يجمعنا وذا ماتمنيت

واخر بيوت القلب قبل انفلاجه

غنيت بيت اهل الوفا يوم غنيت

ان كان حبي صار فيه انعواجه

قولي عسى راسي بصقع الدناميت