وقفه معى الشعر والشعّار والساحه

من شاعرٍ في الشعر سيفه وراويّه

يوم انتخى باالحروف وجات باالراحه

جتني مثل فزعت اليامي لياميّه

الراوي اللي لفاه الشعر واجتاحه

شاعرمفوّه وبصماته سعوديّه

ماني بشاعر حظر ويلف مسباحه

تخالف الحاه من كثرة بلاويّه

الشعر عندي متاريسه ومفتاحه

اضبط عناوينه بصيغات سحريّه

بيتٍ كتبته حرام تجيه مساحه

ياتي من الراس للكراس فوريّه

واليا تغزلت ريحة ورد فوّاحه

اهيش في الحب واسري في لياليّه

وان كان جربي سرى للخصم واجتاحه

وان كان في فقد غالي جات مرثيّه

ياسادة الشعر يانقاد باالراحه

تريثو صارت الدعوه اشليتيّه

وين الحقايق وقول الصدق وامراحه

ومنهو يدس الحقايق نعنبو حيّه

دشو على الشعر ناسٍ صدق نبَاحه

الوزن ضايع وجاب البيت جبريّه

لا نقد هادف ولا كلمات وضّاحه

والرد صاير تقول افلام هنديّه

كم شاعره جاتنا للشعر سوّاحه

كلامها مقتبس من هرج سوقيّه

وكم شاعرٍ ضاع مسراحه ومرواحه

ضاع الهدف منه واغثتني قواقيّه

انا رأيت الشعر زايد به اصياحه

يبكي على حظه الطايح وماضيّه

من ناس جاته ولا حيل سبّاحه

لعبت على هيبته دبكات شاميّه

ضاعت اعلومه معة(وطفه)

(وتفاحه والشعر ملحه ترى في بنت بدويّه

والى متى والصحاري تشبه الواحه

والى متى والصحافه مالها فيّه

والى متى والحقايق صدق فضّاحه

في وقت صارت حقوق الصدق ملغيّه

منهو يرد الشعر ويشب مصباحه

قبل الشعر يلتغي طعمه وطاريّه

والى متى بس والساحه هي الساحه

كنها فلسطين مغتصبه ومنسيّه