سرياقلم واكتب قصيدٍ حواني

ورسل رسالة شوق ماهي قصيره

ومن بعدها بالشكر والأمتناني

ياصلك مرسول الغلا مع سفيره

مشكور ياقلبٍ عطيت المعاني

للي له بقلبي معزه وسيره

قصدي حمد ماقصد من الناس ثاني

له وقفةٍ تكفي عن اكبر مسيره

ياخذ من هموم الصدر والمحاني

ويشيلها جبالٍ ولوهي كبيره

لانه اسد مدري الأسد جاه عاني

مدري شبيه الزير ولا خشيره

يعجز كلامٍ طالعٍ من لساني

يسوقه الخافق وقلبي يديره