تخيّم على صدري همومً وضيقة بال
وصرت اشتكي من لوعة الهم والضيقه
دروب المحبه فالزمن تتعب الرجال
ياكم واحد !! في دنيته نشّفت ريقه
اكابد عناء وقتي ودمع المحاجر سال
أطيق العذاب وطاري البعد ماطيقه
أدوّر من الصالي وحرّ الفراق ظلال
وتصاعبت حلم كنت قادر لتحقيقه
اسامر نجوم الليل واشكي ع الاطلال
وشمس الحزن مابين غربه وتشريقه
من فراق خلاً ثابت فالحشى لازال
فراقه يضيّع راعي الحب ويعيقه
أجامل وأقول اني بخيرً وطيّب فال
وانا والله ان قلبي !!!!! تقطّع معاليقه