شمر عيال السناعيس 2099 البارحه نامت عيون المحابيس وانا مع الشباك عيني تخايل امد شوفي للنجوم المراويس واشوفها تعكس سنا نور حايل واسري على ضيه بصحراء الهواجيس وادق للخطار نجر المثايل اقرب ادلال الشعر و المحاميس وبالحروف اشب نار الجزايل احمس واوازنها وزن مرهي الكيس واصبها صبة عيال الحمايل فنجالها يحرم على اللاش والهيس ما هو يمد إلا لذرب الفعايل سلام ياشمر عيال السناعيس يا اهل الوفاء والطيب واهل الجمايل ياكاسبين المجد كسب النواميس يا اهل السيوف المرهفات الصقايل يااهل الكرم لافاق حد المقاييس ومال الزمن وعقال الامجاد مايل واهل الشجاعه يوم ضرب المتاريس فرز الوغا من غير شمر بدايل؟ ومن غير شمر لا انثنوا للمقابيس ومن غير شمر عدلت كل مايل عدوهم وقت اللقا يلعن ابليس ويرضى بما يرضون والشك زايل لو قستهم بالمجد وشلون باقيس مجدٍ تسولف به تواريخ وايل مجدٍ رسى بالارض مرسى التضاريس وخذ من جبل سنجار عز الاوايل لو حرف التاريخ بعض المفاليس ما حرفت الايام صدق الدلايل واكبر دليل يجب قول الاباليس من غير شمر طاولت كل طايل تشهد متاحف دار لندن وباريس فيها صورهم يوم سووا الهوايل قلته و انا من يام ركابة العيس مسطرين المجد فوق الاصايل والقصد كله يالطنايا السناعيس ماهو سوى عشقي لروس القبايل
ملحمة نجران