قـــلــت وقـــال 212 يابو فهد شفت العجب يوم الاثنين يالله عسى ماتشوف يوم مثيله من رأس تنوره على الدرب ماشين دخل علي وسط الغماره مخيله حولت كني من عبيد السلاطين ووجهي من الكربون وعزتي له فتحت كبوته وأنا عارفه زين ست أسنوات مانوى بالهزيله قلت الخبر وش فيه مافيك بنزين؟ ما خبرتك تخون السنين الطويله! قال المعذره مابقى غير سلكين والباقيه ياخوك راحت فتيله قلت السبب؟! قال السبب جور بلفين سوت بجوفي علة مستحيله شقت مدار الجوف مثل السكاكين ونزف معاها الزيت وأبغى الشليله قلت أبشر بعزك وقتي الحاضر الفين ماني من اللي يجحدون الجميله والله لولا الوقت وأخشى من الدين لا ريحك بالبيت تصبح حليله وأخذ مكانك واحد ما عرف شين توه جديد مابعد فر ميله يخدمك في المشوار وأرتاح ذلحين لاشك مافي اليد ياخوك حيله أصبر ترى بعد العسر ياتي اللين وشيل الحمل مادمت تنقل ثقيله ماخبرت أنا شيخ المواتر مسيكين تكفى تجمل من يخون بزميله قال الخوي ندراه حين بعد حين ومن وقف وقفاتك لزوم أشيله أنا تراني شايب والله يعين بمشي معاك ودينك الله يزيله لاشك لاتبخل علي بالثلاثين قيمة غيار الزيت تكفى قليله قلت أتفاق وصار مابيننا بين والله يخون اللي يخون بعديله أوعدك ماثقل عليك الموازين مادام شيبك فيك سوى وهيله وبطلب رحيم يفرج الهم وتزين سبحانه المعبود راعي الفضيله بمره يكون السعد في عام للفين ويقوم حظ اللي تحداه ليله
ملحمة نجران