ماني ب من هو يستغل العلاقات

في تكملة نقصه وتكوين ذاته

ولاني ب من يضرب على الجرح بالذات

لي كنت أنا داه ودواه وشفاته

يالله ياللي لك تُقام الصلوات

يالله لا تجعل علينا شماته

اسألك ياوهاب جزل العطيات

سؤال عبد(ن) خاشع(ن) في صلاته

غفرانك اللي له نسوق الدعوات

هو غاية القلب وهواه ومناته

وأنا بشر عادي ماني بأبتكارات

من صُلب أبي آدم وخلقي سواته

في عدة أطوار ومراحل وحالات

بدأ الجسد يأخذ معالم صفاته

وبدأ الدفأ ينساب عبر المسامات

في هالجنين وصار يكسب سماته

في بطن حواء عشت ظمن اعتبارات

أني ملك لأن الأمن له سواته

والآن لازلت الملك والقرارات

ملكي ونوابي رهن للألتفاته

أنا ملك نفسي وعندي سياسات

احكم بها احساس الفكر وشهواته

ومهما يكن انساق ضمن المسارات

اللي تبرر للشعور انفلاته

والقاصر اللي خاضع ل حبه الذات

يحب ذاته غافل(ن) عن حياته

لو فكر الوصول لأدنى المقامات

يحلم لأنه عايش(ن) في عماته

ابرأ الى الله أن اكوًن صداقات

معه ومن مثله لكثرة اناته

دنيئ حتى في عيون الدنائات

منبوذ من دنياي حتى طراته

من آدم وحواء يعدون عالات

هالنوع لأنه مات في حب ذاته