أوصيك ياللي أبوك ناشد عن الخال

وخذ الوصيه واعتبرها وداعه

فخيك مهما كان وقتك ولحوال

أخيك لك مثل الجسد والمناعه

قول المثل حتى يمينٍ بلا شمال

تفقد صدا تصفيقها والبراعه

أخيك سيفك ليتحدوك لبطال

حتى ولو تملك جميع الشجاعه

ويحميك حتى من سواليف لنذال

لمى بغو فيك الردا والتباعه

واحذر تصدق كلمة القيل والقال

من المرة ولا صغير الجماعه

وامك وابوك اللي معك ستر وظلال

خلك لهم في كل سمعٍ وطاعه

حاذور تاخذ دونهم كذب لقوال

ولّا تطبق رغبة أهل القطاعه

وخذ لك لما ضقهنت سجه وموال

فج الخلا للغانمين الوساعه

وخذلك مع الذربين روحه ومقبال

اللي تنومس خوته واجتماعه

روسٍ وناستهم سوالف ومعمال

ماهي بفي التنمباك ولا المداعه

وربك ودينك هي غناتك وهي المال

لايقنعك من دون ربك قناعه

هي لوله واذا سبق بعض لمثال

هي منهج المخلوق وهي انطباعه

ان طاب فيها طاب حضه ولا زال

ومن دونها مالك بشي استطاعه