يامحمد الذيب لا تقرب علاقاتي

انا بضبط علاقاتي واسويها

ويامحمد الذيب لا تشري عداواتي

فاكسرك بالشعر والدنيا لواليها

تراك دوله عظيمه من دويلاتي

وترى التحدي على صافي شواطيها

ماهي غريبه علينا واسمع الأتي

مادمت يامي وانا يامي نسويها

متعربجٍ بالشعر منذوا بداياتي

اقفل على قفلته واحبك قوافيها

ماخلق من يحرق عروقي وبلفاتي

مادامني لا نويت اسري بسريها

واترك مع الوقت ابياتي وبصماتي

مايطرب فؤاد حافظها وقاريها

والعنصريه تراها ضمن عاداتي

مري وعجمي وراس العلم ياميها

شف ساحة الشعر لو هي ضمن رغباتي

الله عليها وحاميها حراميها

تعبثوا بالشعر ورعان حاراتي

والله علم كيف يمكن بس تاليها

يامحمد الذيب باستعرض عظلاتي

واهاجم الصيد في موقع مخابيها

افتل على الشعر وعياله شنباتي

ونفسي على جزلته ربي يقديها

غارات شعرك تراها غير غاراتي

وغارات شعري ترى ماني بنافيها

شعّار جيلي تراهم وصط مخباتي

كاتم على انفاسهم واسمع مواويها

كم شاعرٍ ضاع من صفعي ولكماتي

ومن عاش في ناري الحمرا يصاليها

احرقتهم في حظوري وانطباعاتي

زعلانهم مختلط في عج راضيها

لأني صريح العباره في عباراتي

وغيري يدس الحقايق في خوافيها

ولأني احب النقى في كل حلاتي

والكذب وأهله ترى ماني بدانيها

والله يوفق بصولاتي وجولاتي

واعدائي الله يحسرها ويديميها

تنابحتني كلاب وكل شماتي

لكن على بالحرام اني لربيها

وأهل الوجيه الحقيره تقفي وتاتي

وأهل البنادول يامكثر تعاطيها

والله يخلي هل الطنخه لطنخاتي

والبندق اللي تنومس راس راميها

وأن جت على نسج فكره من خيالاتي

باحرك قلوب خلق الله واداويها

لعيون من يرسم محياه بسماتي

حبيبت اشعار عاشقها وراويها

الجادل اللي خذتني من مساراتي

واصبحت هايم بديرتها واراضيها

اللي هواها تسرب في بُصيلاتي

ورجلي على دربها ماني بثانيها

ياكثر روحاتي لشوفه وجياتي

الرجل هلكت على كثرة مغازيها

اسابق الريح لي بطن الأماراتي

والقاه واقف على اللكزس يجميها

واطمر معه واحذف شماغي وهقواتي

على يدينه عسى ربي يخليها

واول سواليف هرجه من زياراتي

يامرحبا الساع يارويحي وغاليها

واجر له شلةٍ من خير شلاتي

شله حزينه تدوخني عباريها

مضمون هرجي لها واحلا هتافاتي

ياكل ناسي بحاضرها وماضيها

وارسل لها من عيوني بعض غمزاتي

كن عينها اللي تحاكيني واحاكيها

وانسى معه كل همي واهتماماتي

الجو رايق تلاحيني والاحيها

يامنفذ الحب بلغها تحياتي

واعظم بيوت الشعر وازكى معانيها

الله يديمه لقلبي وارتعاشاتي

ولا الردي ياعسى يفدى مواطيها

والشله اللي تدور خلف طيحاتي

يلعن أبوها ويلعن جد جديها