إليكم يا ملا قصه تكفي كافة لجيال

وتسجل ضمن تاريخ اللي يحتملون للشده 

إليكم قصة ماهي بحيا الله كلام يقال 

لا والله غير شي ن يوجع الرجال ويضده 

وهذي القصه بتبطي وهو يضرب بها لمثال

لمن بقعا بفقدان الحبايب بيحت سده 

هذي قصة علي عايض عريب الساس جد وخال 

وعلمه وخبره عندي وللعراف بآعده 

صبور شامخ هذا وهو فاقد ثمان اطفال

وبعض الناس لو يفقد فرط واحد وصل حده

تحياتي لبن باصم علي في الحل والترحال 

وسلامي صوب فيلادلفيا من شانه آرده 

إلى امريكا سلام صافي مثل القراح زُلال 

لمن حزنه من دروب الوفاء والطيب ما رده 

فقد لول وعزيناه ونسينا وحزنه طال 

ثمان سنين لاحقها ثمان وطالت المده 

ومتى ما مر عام قال ذا الدنيا على ذَا الحال

وعطاه الله على النيه وهانت عنده الشده 

ومتى ما شافنا ضقنا يجر الصوت بالموال

جريح يطرب بصوته جريح الهجر والصده 

نعا وجهي لمن طول وهو يطرد سراب اللال

ومعا طول الضما حظه تردا فيه من جده 

ومع ذلك تحمل للشقا والهم والغربال 

وتساوا من كثر ماهو يجامل مزحه وجده 

هذا منه استفيد ليا لحقني في الزمان اهوال

هذا اللي يحرز الأهداف ما ترتد في القده 

وفيه تسجل اقوال المدايح من وفا الأفعال 

وفيه الطيب والمعروف حق لأنه يرده 

هذا اللي واجب إن البيض ترفع له على الاقذال

لأنه مؤمن صابر ولو دمعه على خده 

ابن باصم ولد عايض مخلف سلسلة لبطال

وريث المجد من خاله ومن عمانه وجده 

من قوم في نهار الهوش ترخص حالها والمال

صناديد آل مطلق مالها دون النعم صده 

مخلصة النشب عقالها وقت الغضب جهال

جهل سطوة ظفر تنزح عداها من على عده

من آل مخلص اللي كلبيهم في القضاء عقال

رزانة عقل فيهم من قديم الوقت ممتده 

وحنا درعهم وحزامهم لي شي عليهم مال

من الشبحه إلى الشبحه حزام ممتلي عده 

وسلامتكم وانا ابن قنيزع جدي عمى العيال

كفانا الله وياكم من اهل الشرك والرده