ياجابر محمد سلامات يامير

شهرين اجر الصوت بأسمك وانادي

محدٍ طرالي ياحفيد المناعير

مثلك مثل شرواك يسمع مفادي

من تجربة واقع حيات المشاهير

ومزاحم الشعّار وأهل الرشادي

في ذا الزمن ان لم تكن سالم الزير

لعبو بك الخبلان في كل وادي

وتصير سله تنشرى بالدنانير

ويضيع حقك بين ملفي وغادي

لكن اذا وقفت وقفة اساطير

سقها ولا تخشى الردي والمعادي

سقها وعند الله كل التدابير

سقها ووكلها اله العبادي

ولساني اللي حد سيف وسواطير

ماخوّفه ضرب الفشق والهنادي

ارهابي الساحه وصل ياجماهير

صيحوا وانا باصير ماني بعادي

اسكر على صوت السيوف البواتير

وافقد لمنّه اعتزابي عبادي

احس في راسي عبيد ومزامير

واصوات لتلفاز وأهل الروادي

وتقول في راسي تمانين شرير

وتقلع معي لاعشت جوّ انفرادي

وادون اللي داخلي دون تقصير

لابوك ياذا الخوف جاني عنادي

ياذا الزمان اللي همومك مناشير

نحرتنا نحر البدو للمبادي

يسقى زمان مفرقين الطوابير

في عهد ابن حثلين ولا المهادي

لو كان عهدٍ فيه غزوه وتدمير

والسيف والبندق وخيل الطرادي

مير القلوب نظاف ماهي مغابير

والسلم عايش والشيم والقوادي

ولا الزمن ذا ياعرب ماهو بخير

ولا تكثرون من الحكي والدوادي

اقرب مثل ادونه بالتعابير

انك بوادي وابن عمك بوادي

ولا الخوي بيقول لك طير ياطير

خوة فلس ماهي بخوة اسنادي

وتكرم بعض صدقان وقت المعاسير

اللي معي وقت الرخا والهجادي

ومد النظر من دون حاجز وتأثير

وهد الفكر خله يجول البلادي

في حزتٍ تلقى بها شبه تحرير

ومابه كلبشه بين كف وزنادي

القدس بيدين الكلاب الخنازير

وبغداد راحت في يدين الأعادي

ثنتين مملوكات للبوش وبلير

وحنا نطار راقصات النوادي

وعروقنا فيها من الذل تخدير

وهمومنا نعرف عُريب وهنادي

وغزواتنا من دون قاصر وتحقير

مابين بقّاله وسوق ومنادي

وشعب السعوديه كلوه الهوامير

وين الحكومه تستمع لنتقادي

هذي مجرد شبه نبذه وتقرير

تقرير شاعر حاز رتبة قيادي

ولا الشعر وأهل الشعر والشواعير

بسم الله اكبر عند هبد الرمادي

مادامني واقف وعايش وباسير

ومستمتع بشربي ولذات زادي

والله لحاربهم من عصير لعصير

واموت ماتنكس بيارق حدادي

ووالله لناشبهم على جغمة البير

اما بها ولا بقطع الايادي

وأن ضاع حق القدس وعيال كشمير

ماضاع حقي بين صُفر الجرادي