استريحي من عنا دنيـــــــاك فـيني

جعل قلبي فدوة لك يا حــــــــــزينه

قسوتي في جنتـــــــــك والله تلـيني

وهامتي لقـــــدومك اتراب وطينه

عزتي دايم علي ما هي تــــــهوني

الا في حضرت جنــــــابك يالأمينه

كل ما قلتي على راسي وعـــــيني 

قولي وطولي وصــــــار الي تبينه

ما وفيتك بالعطاء لو كان فــــــيني 

من عطاء كل البشر لأقرب ظنينه

ان بكيتي فاخذي ادموعي وعـيني

وهاتي جروح الزمن واقسى سنينه

وان سليتي فابشري بفرش جـبيني

من تراب القاع وأنتي تـــــــحتذينه

أمي أمي واحــــفظوا يا حافـظيني

لأجل عين أمي ترى تكرم مدينه

وش علي دام الشقاء لأجلك يزيني

وان ضمي مسقيك فالله لا يــــهينه