الصاحب اللي يقدرني الا جيته

ويثمن زيارتي له والتعنّا له

يرفع مقامي الا جيته وسط بيته

زودٍ على طيب راسه يوصي عياله

وان كان ماهو كذا والله ولو صيته

مع الطراشين يذكر طيبه واله

لاصد منه ولو بالود طشيته

واروح في سكتي ويروح في فاله

وان مات لو ابكي العدوان مابكِيته

ماهو خساره علي فقده ولا حاله

ولاصار بيته على دربي تعديته

للي علوم المراجل دايم افباله

اللي عليه القدم بالسيرلاحفيته

يستاهل اني امره واعرف احواله

ان جيته الصبح والا الليل مسيته

الطيب ساسه ومغراسه ويهناله

ومادام راسي يشم النود عذِيته

من رفقة اللاش واللي خايبٍ خالِه

وارفع مقامي من اللي هابيٍ بيته

واشوم للقرم واترك راعي القاله