الا يالله. لامن ضاق. بالي

رجيتك في خضوعٍ. وابتهالي

يضيق البال ماحيٍ درابي

سوا ربٍ على المخلوق عالي

أكن السد ماودي. ابيحه

وانا مابين مر وبين حالي

اخاف اللاش يشمت في ظروفي

واخاف أزعل اقروم العيالي

لان اللاش له عين قصيره

ولان الكفو. حاله مثل حالي

انا لي هقوه فالبعض خابت

الا ياحيف. يابعض الرجالي

يشين الحال وازهم واتعزوا

وكنك مادريت بما جرالي

جمعني بك زماني واحسبنك

سوات سهيل في سود الليالي

الا ياما لعينك سقت روحي

ولا احسب خفاف ولاثقالي

ليا منك حزنت احزن لحزنك

وليا منك سليت أصير سالي

آثارك تجهل العشره ولا ادري

وانا عن ماتكنه ماطرالي

تحسب ان السعه يارجل دايم

ومحذاف الليالي فالشمالي

حقيقه منصدم منك حقيقه

ولكن عدت منك ماابالي

مدام الصبر محمود العواقب

بطول في رجا المولى حبالي

وعوضنا فالرجال اهل الجبله

رجالٍ فالوفا مضرب مثالي

وصل الله. على سيد البرايا

نبيٍ خصه الله بالكمالي