السحــاب 378 السحاب اللي انحدر من نجد والوادي سناوي حي طلعة بارقه يوم ارتكز يا لله حيه يوم شقق من على وجه الدجى سود الغطاوي ابتسم لين ازهرت تحته رمال الجرهديه وقمت ارحب سيدي والشعر للترحيب هاوي يا هلابك يالربيع اللي نسانيسه نديه يا وفا يا رحمة نامت على وجه الشقاوي يا مطر يا برق يا رعاد ياجزل العطيه يا ولد عبد العزيز اللي سرى والذيب عاوي صاح من بطن الكويت وقاد فرسان السريه لين وردها على المصمك وضجت بالعزاوي وبيمينه ردت الشلفا على الباب التحيه والله أني جيت اطاول بك بعيدات الهقاوي والقصايد تنحني من دون وقفتك الوفيه الثرى اليابس كتبت اسمك عليه وصار راوي والغصون الميتة يا سيدي صارت طريه غبت وتعبت وتعبنا والتعب ماله مداوي كيف ما نتعب ونسهر وراضنا منك خليه ؟! في غيابك كم بسطنا للولي كف الرجاوي واحمد الله جيت متعافي وعافيت الرعية مرحباً يا سيدي سلطان يا ستر الجلاوي واهني الدار بك يا سيدي لا .. واهنيه من يقول ان المرض نقمه ترى يا شيخ غاوي المرض حكمه من المعبود خلاق البريه يبتلي الصالح و له ياسيدي قصدٍ سماوي في كتابه وضّح اسبابه وفي سنة نبيه المحاسن لو كفت يا سيدي شر البلاوي ما سعى الدود بجسد أيوب واعماله سويه لا تعبت ولا .. ندمت ولا .. لفرحتنا مساوي يوم غنينا سلاماتك بلحن السامريه شاعرٍ يا سيدي غنا وخفاقة هواوي من جنوب الدار من نجران دار اهل الحميه ديرة هامت بحب الي شلع مثل النداوي يوم سطر في الوديعة كلمته والشمس حيه رددت نجران يا مشعل جعل عمري فداوي ونقضت له راسها عند الغدير العامريه لين جاها قيس واشواقه تسابقه الخطاوي في يمينه حاملٍ سيفه مع المصحف هديه طير حُرٍ من هل العوجا نزل من فوق هاوي بك يرحب سيدي سلطان والدار امحميه تحت حكم اللي تبيع الروح من دون المخاوي لا ارتكز عج المعارك واعتزوا فوق المطية يا علم ياللي ترفرف فوق رفرف لا تراوي في ظلال اخوان نوره ما تزعزعك الخطيه قلتها وآنا من اقصى الدار والبراق ضاوي يا هلا حيا الله اللي شرف الديره بضيه مرحباً بك يا سحاب هل والوادي سناوي ازهرت نجران من مطار مزنتك الصخيه
ملحمة نجران