الصاحب الي يضحك بوجهي ويطعن في قفاي
بقطع مواصيله وجـانب صحبته مالي بها
دامه مقصر فـي حياتي ويش يبـغي في عزاي
مايدري ان فرقا ضعيف الرابعه بوصيبها
يمشي علـى درب التجاهل والخطاء رايح وجاي
ماكنه الا العقرب ! ! ! الي سمها بذنيبها
وأليا بغيت أكـلمه نشّب لساني في جماي
الله يصيب الصحبة العميا ويقطع صيبها
وانـا علـى منهج هل الناله تجريني خطاي
يسوقني فعل الرجال اهل الجميل وطيبها
ولاشفت عثرات القريب الي توصلني مداي
اصد عنها واقطع فجوجاً عوا لي ذيبها
الله يبيض وجـه صبري فالمواجيب وسحاي
الي تخلصني من انجوس العباد وريبها
احفظ مفاهيم العمر واقوس فالبحر بعصاي
ودنيا الفناء يالادمي محذافها في جيبها
لا احدن يجاملني ولا يزعل ويسمح لي خطاي
وليا خـذا في خاطره يأتي يعلمني بها
الكامـل الله والخـوي قدمـي وعدوانـي وراي
والعز في روس الرجال الي يقدر شيبها
الله يجملني مـعا ربعي وناسي واصدقاي
في الوقفه الي كل رجالا عجز ياتيبها