العرب ماكنته عكس ماحن نسمعه

والسوايا تفضح اللي طرا وسط الضمير

السعه ياصاحبي من سواياه السعه

والله انها موجعه لكن الدنيا بخير

المحيي حيبه والمودع ودعه

اطلق حجاجك وخله يصير اللي يصير

والكفو لو يوجعك انتبه لا توجعه

والله انه فرحتك لصبح الماقف خطير

عدها له يالسنافي وخله فسنعه

دامه احزامك ليا صاح صياح النذير

اصبر وخلك شمالي وصدرك وسعه

دامها ما وقعت لك علئ الضلع، القصير

رحب وسهل لما جاك والشك اقطعه

دامه بعينك كبير وله قدر كبير

من تسامح للعرب حبه الله وارفعه

ومن تشيطن قارن ابليس في نفس المصير

ولا تحاول تقنع اللي ما شي يقنعه

لو تشوفه مخطين هو يشوف انه خبير

والله ان وقتك معه مضيعة في مضيعه

جنب دروبه وخله يواصل فالمسير

شايف بان العرب ضده وماحد معه

وكلهم غشمان مالله خلق غيره بصير

اقلعه مالك وماله عسئ الله يقلعه

لاتسمع له خبيث العمل ماله شوير

الجماله بينه والردا لاتتبعه

والفحل يما رغا ولا تسمع له هدير