الـــخــــوف 192 أخاف وأنت تخاف من أيش خايف دامك حبيبي لا تخاف المحبّه أنا من الدنيا تركت الحسايف وش خوفك اللي خايفه وأنت سبّه ماني من اللي يجروحون الولايف والحرف حرف الفاء رمزٍ وأحبّه ياللي كتبت أسمه بكل الصحايف يامن غدى للقلب كيفه وطبّه يامن رقى حبه على كل نايف ويلعب به الشرقي على كل هبّه الله يصونك ياحسين الوصايف ياحبي الموعود غيرك بكبّه من قال أنا بعاف ماني بعايف صدري خلية نحل والقلب لبّه هو واثقٍ مني وبالعين شايف ويعرف تمامٍ أني أنا أحب قربّه دايم يراعيني وبالقلب رايف أحب فيه القرب والبعد غربّه لاأحول أروح بعيد والقصد طايف والمشكله كل الطرق صوب دربّه يامنوتي خوفك ترى خوف زايف أحدٍ يخاف من الذي دوم جنبّه أخاف وأنت تخاف والكل خايف ولاخير في مخلوق ماخاف ربّه
ملحمة نجران