لاتكتب الأحزان في وجه مغليك

وترسم بعدها الدمع من فوق خده

وتوقع بعقد المفارق على ايديك

وتخسر رهان الصفقه اللي تمده

وتشوف صبح اليوم وشلون كاسيك

بالهم والأحزان بعد الموده

وتسبح ببحر امال لسيف يدعيك

وتصعد بجزره بعدما صاح مده

وتحسب خسارة روح تعبت تباريك

ولاغاب عنها الشوق صعبٍ ترده

لن الوفاء لاصار من شخص شاريك

ناظر في نفس الوقت ممشاك ضده

تلقى خطاك بعكس مشيه توازيك

وتذكر شعورٍ صادق الود رده

وماهو غريب الصد مادام يرضيك

بس البلاء وش صار من بعد صده