الله أكـــــبــــر 182 الله أكبر يا نجوم ٍ غايبه قبل المغيب أختفت في زحمة الدنيا قبل حل الغياب والله أكبر ما بقى في ديرة العاشق حبيب غير ذكرى في حياته من عهد سن الشباب الزمان يدور والدنيا بها حظ ونصيب والنصيب اللّي خذيته مثل برق ٍ في سحاب يشهد الله في حياتي ما هقيت أصبح غريب لين شفت الشمس غابت وأختفت خلف الحجاب نبهتني بالشعاع وقلت أنا شي ٍ عجيب كيف أنا عايش سنين ٍ في ليالٍ ما تهاب! لا صديق ولا خوي ولا رفيقٍ لي يجيب غير دمعاتٍ تهل وعايشٍ عيشة عذاب أنجرحت جروح وجروحي عجز عنها الطبيب يوم شاف الجرح ينزف قال بعلن الانسحاب الحرايق وسط صدري زايدٍ فيها اللهيب والحظوظ الرديّه ما لها عد حساب ما مضى لي غير ذكرى كلها هم ونحيب وما بقى لي في حياتي غير كلمات العتاب بصبر لجور الليالي عل لي حظ قريب وعل دنياي التعيسه تنفتح عشرين باب وبطلب الله في صلاتي يشفي الجرح العطيب وينتهي مشوار جرح ٍ ما حلا وأن قيل طاب الله اكبر يانجوم ٍ غايبه قبل المغيب هيضت قلبي وغابت من قبل حل الغياب
ملحمة نجران