الله على الدنيا تقلَب يافلاح

مره معي وامرار جتنا اظروفها

ان اقبلت تقول اقبال الملاح

وان دبرت تصفق علينا اكفوفها

ان اقبلت خلت وعرها لي سماح

وان دبرت رزت علينا اعروفها

ناخذ مثل باللي رحل قفى وراح

ماعاد منها غير ذكرى احروفها

الرابح اللي من عنالدنيااستراح

يعيش فيها ماعرضته اصدوفها

يعيش فيهاماهو لغيره مستباح

مامون في سره كفته احذوفها

يقوم لله تالي الليل وصباح

والناس حوله مامشى لمعروفها

الحمد لله ماذكرته من جراح

لاكن من اظروف علينا نشوفها

يالله طلبتك شربة عذبه قراح

من يد من هو شافعٍ لحلوفها

واسألك بالجنه ولي فيها نجاح

واعتاض في دنياً كثير كلوفها