مني لبو فيصل سلام يجي له

في محفله في مجلسه خذ زبدها

ياشيخ جاتك من محبٍ حصيله

اظهره في جاهك وراسك نصدها

مجار يازيزوم شمل القبيله

ياشيخها ياميرها ياسندها

يالله عساها لك اجور وفضيله

ويكفيك شر صدوفها مع نكدها

لوهو بيدينا صوب غيرك نحيله

يم الردي جعل الردي في مهدها

اللي علومه كلبيها فشيله

جعله مابين لحيها ومهبدها

والا انت شيال الحمول الثقيله

من القبيله من سموم وبردها

ياليث ياضرغام مزبن دخيله

وينزله في العاليه من صهدها

في راس عيطا من الامور المحيله

بهيبة ابو فيصل يعيش برغدها

وعادات ابو فيصل علومه جميله

ابختصرها وهي كثير عددها

دنيا ودينٍ كلها تنتمي له

ومع الدول له جاه وعليا ضمدها

لأنه كبير القوم شيخ القبيله

وعند القبايل عزته قد وجدها

الا حضر والناس جمعٍ مهيله

والراي مثل سيوف حذفت غِمدها

الراي من هيبته خلو سبيله

الا اخو صافيه يفرضه ويخمدها

والا غدت بين القبيل وقبيله

يركي لها طالب ماهمه رعدها

ولا ثار عبرود الفشق بالفتيله

من واحد مصالحه ماحمدها

يبشر بمن هو ينطحه ويعبيله

زيزوم قوم ماذكر من نقدها

هاذاك ابو فيصل قليل مثيله

اللي الا ضاقت يفكك عقدها

ولاجاه من صكت عليه الذبيله

وضاقت عليه ابرورها مع بلدها

في حروة القصاب يومه وليله

والا الحكومه تطلبه مع مددها

الا نهض ويش العلوم تحدي له

يامن يبشر العجوز بولدها

وعاده الا جار الزمان وعميله

وراحت على الرديان وابعد رشدها

تلقى الشحم في مجلسه زاد كيله

وان زادو الضيفان زوَد عددها

حيرانها واماتها والكحيله

تفدى ضيوف الله وتاخذ مددها

وان جاه والا جاتنا عنجهيله

من قوم والا من حليف عمدها

وصاح المصيح في صباحٍ وليله

ثم اعتزى اخو صافيه في حشدها

يقود جمع باللقا ينتمي له

مرية عين العدو هم رمدها

واثني لفيصل راعي العلوم النبيله

ابو محمد سعدها في هددها

امير فوج رايته بتهيله

يقود سباع وفيصل هو اسدها

ياما وياما من علوم مهيله

قد فاز بها ماقد جا من نقدها

له ارفع عقالي وياحبني له

ويستاهل البيضا اميرٍ نشدها

وصلاة ربي عد وبل المخيله

على النبي في ختمها لمن شهدها