اهيه خذ بالك ليا قلت ياهيه

حنا ترا يام الحلام العوادي

الهايب إليا من حضرنا نجريه

والعايب ندوسه بحفر الجوادي

حريبنا تقصر يدينه ورجليه

وحليفنا يظفر بكل القوادي

ياهيه مااللي يفقد الشي يعطيه

ملحك وزادك خان ملحي وزادي

من يجهل بحاضر زمانه وماضيه

عليه من بيض الصحايف سوادي

لوك من اللي يفهمون المشاريه

يجوز نصبر مثل صبر المهادي

لكنك خبلٍ بيح الله بخافيه

وأزعج عباد الله بكثر الدوادي

نحشم هبيل القوم حشمه بناخيه

لانا اهل مذهب ودين ومبادي