أهيض الشعر وآنصيه من عارف معناه

خبير في بحوره في غموضه في متاهاته

أنصيه بن عايض هادي والسر ما يخفاه

وهو يدري بغاية واحد طالت معاناته

صديق يفرح الخافق لقاه وتحزنه فرقاه

عسى الله ما يطول بعد فرقانا بغيباته

صديق يأصل الحروه ولاهو يخلف الهقوات

ولا طول البطا يمكن يغير في علاقاته

صديق فعله الطيب يبيض وجه من خاواه

ولا والله بقدر لو بغيت أحصي جمالاته

حكيم ملهم شهم ونعم به على طرياه

ونعم به على ما بان لي من بعض ميزاته

سليل المجد هذي عادته جعل الردي يفداه

وعسى المولى يقدرني على تحقيق هقواته

وهو من لابة عمرية درب الخطر تاطاه

ولد عود رحمه الله كان البيض راياته

وزا الجاني وضيف العسر سعدله لمنه جاه

عوايد جده السابق يجددها بوقفاته

نصيتك يبن عايض والردي يحرم علي ما انصاه

فشرواك أكتفي منه بترحيبه وفزاته

فكم من واحدن ضنيت له وجه وعنده جاه

وليا مني نصيته يالشلي كثرت ملاواته

وكم من واحد قال:أيتني في كل ما تبغاه

وَيَا ليتك معي وتشوف يوم احتجت فزعاته

وكم يا كم وكم من واحد ما ودنا نقفاه

سفيه ما حدن يطريه غير بكثر عثراته

وَيَا عزي لمنهو جاهل فالوقت يا عزاه

ولا ميز صديقه من عدوه عند خلاته

فهذا النوع مسكين غني غرته دنياه

يحسب إن كل خلق الله مقضات لحاجاته

بساط الفكر يأخذني معه بالغصب والإكراه

ولا آخذ غير قدني واقف بآخر محطاته

وشعري مركب في بحر مدحك ما وصل مرساه

ومثلك يلتمس عذري خطا قلبي وسجاته

فانا بي ما بطير ن الكسر عن مرقبه عداه

وطير الحر روس النايفات الشم مشهاته

وصلاة الله عَلى محمد رسول الله ومن والاه

شفيع أمة محمد ربي ارزقنا شفاعاته