ابدي بذكر الله على كل بادي

والله يوفقني القدا في بنودها

الليل طاب وزان معنى القوافي

قامت توارد بالضماير حشودها

اختار جزلاتها واكب الهزيله

ونفسي على الجزلات ماشٍ يكودها

واسوق زينات التماثيل في الذي

يستاهل بيوت فعوله تقودها

ابدي بها مبروك في حفلكم الذي

جتنا مراسيله تعدت حدودها

الله يبارك عد مانسنس الهواء

وعداد حصمى البر مع حيودها

ياعيال عودٍ ترثة الطيب والظفر

عساه للجنه يهتني في برودها

وارث له رجال تكمل مسيرته

فيصل وراشد مع فهد ثم سعودها

ولشيوخنا ال شريم من دون قاصر

والمعذره لمن نسينا عدودها

واذكر ابو فيصل امر الشمل طالب

لطام الاعداء لتعدت حدودها

الى اعتزا اخو صافيه من مريبه

وقفته تفرح منهي عطاشٍ كبودها

واذكر ابومحمد فيصل اويش فيصل

له الراية البيضاء بعالي رجودها

سلطانها لاغثربن المشارب

على القبيله واعتزت في جدودها

له ماقف تشهد عليه الجزيره

وتشهد له الرمله حصمها وعودها

ويشهد له التاريخ من زود طيبه

بوقفاته اللي كل الافياء شهودها

سمعته تنومسني الى ذكر فيصل

وارفع له عقالي وفا لمحمودها

وبشرية هم مقبس الحرب لادنى

تِشبع جرايرهم ضبعها مع فهودها

كم شيخ قوم طامع جندلوبه

كله لعينا اللي كبار لهودها

دمثين للضيفان والجار والخوي

وعانيهم بعالي طويلة نفودها

قلته وانا لابة ترهب العدى

لاجاء نهار والجنايز وقودها

بحيحية تنطح خطا كل عايل

وثار المشوَك ثم بين شرودها

الى اعتلومن فوق صُفرٍ محجله

وقُبٍ نهار الهوش تِثبِت وجودها

هل ردَة تعرف الا اقفو كساير

وصاحو وتناخو ردَةٍ يأسودها

وكرمان يومٍ الليالي شحيحه

ومجالس تخلط عنابر وعودها

صحبان للصاحب وعدوان للعدو

ومراجل فيهم تعدد جدودها

هذا ولااهثم كل قوم بقبيلتي

كل له حقوقه وتوفيق جودها

وكل القبايل وكل قرم مجرب

ذكره وفعله باينات شهودها

واليوم في خير وامان ونعمه

وانعام ماتحصى كفينا حسودها

الله يعز اللي للأسلام حامي

واحفظ لنا ديار الخليج وعمودها

واختامها مني بصلاة على النبي

ماهل ودان المطر من رعودها