ملحمة نجران
ياصاحبي سالم بن غدير الناس |
لو تكشف اللي فالضماير مخبا |
كان انطحن حبن مايطحن بذا الراس |
لكن ذنوب الصالحين أتغبا |
ابغيك تعطيني كيلوين ألماس |
وكيلو ذهب صافي وكيلو يالبا |
لعيون بنت فاتنه من بني ياس |
متربيه بس الغلا ماتربا |
ان وقفت مثل الزهر بين الاطعاس |
ويلا مشت فرس أصيله وقبا |
ريحت نفسها غير عن كل الانفاس |
وان سولفت حتى البليغ أيتهبا |
في مدحها جاني من الشعر هوجاس |
وصبحت متنبي شعر وتنبا |
لو عرضت على الفقيه ابن مرداس |
يمكن يحلق لحيته ويتصبا |
كنك مشربني من الفوتقا كاس |
ولياسبتني الخفوق المسبا |
والقلب لامنه فضا شوق وحساس |
لو جيت بتعبيه ماينتعبا |
الين تعشق فاتنه من بني ياس |
متربيه بس النحر ماتربا |