تأتيني أفكار مجنون وانا صاحي

في بعض لحيان ياهل العرف والحكمه

تأتيني أفكار مجنون وانا صاحي

واحيان حلم المنام يوافقه علمه

ويطول حلمي معي حتى وانا صاحي

يا سعد من يردعه عند الغضب حلمه

ويقول للناس انا آغني ليا صاحي

فالصبر محمود من يقناه في نعمه

صحيح ولا خطا اللي قلت يا صاحي ؟

البعض لو قلت له ما قلت لك فهمه

عساك مثله بدون إيضاح وفصاحي

والبعض مهما تكرر في نداك أسمه

ما يسمعك لو سمعك الصم بقصاحي

( بأقصى حي )

واللي بيقدر على المردود بالحشمه

ولا فنا له من المردود نصاحي