تبين الوجيه وكل رجال له مقام

وكلن على مملا ضميره ومفهومه

شخصيتن تبقا على القلب عام وعام

وانا خذت من ذالوجه فكره ومعلومه

اي والله انذا ذروت المجد والضرغام

ومحبته صارت معا طارفت قومه

شيخ ان على شيخ ومقامه كبير وهام

وتثني العرب في طيب ممشاه وسلومه

ياشيخ صالح لبعدتنا ضروف ايام

تراهامتك في كل رجال ملمومه

وقدرك في دم القلب ماهو بفي الكلام

وربي مميز قدر شرواك وعلومه

لنك زعيم وترفع الراس يامقدام

وجميع المراجل في معيتك مرغومه

تشر لها قدام وتقولك قدام

وما عانقك من جمع لمجاد مالومه