لك الله ياوقتٍ غرقنا وحن صاحين

عيونٍ تشوف وقلب يحتاج له صُفره

وانا من تجاريبي مع سنيني الستين

درست ولازلت اتعلَم الى بكره

ترى خوة الطيب تساوي كنوزالصين

اذا صار معها دينِ تِمِنَك من مكره

والا رفقة الرديان سلعة سوق بريالين

دانة الدنو كسره ولا ينفعك جبره

طموح النفوس يعانق العولمه بثنين

غناة من الرديان ومرافقة نكره

نصارع زمانٍ دوم يبلش به الفطِين

بنهاره وليله كنه يفك له شفره

زمانٍ يشيب بالمواليد والسالين

يخلي الفهيم يتوه كنه مع سكره

هناته تجيلك ساع ثم تنقلب بك وين

ياترميك في بره او ترميك في بحره

اذا اكتلت من جودة زمانك بمكيالين

توقع وشف خطوتك لاترميك بالحفره

تغانم قبوله واذخر لضده بقولين

على الله غناتك وان تعاسرت لاتكره

زمانك الا اقبل فانتبه بين حين وحين

على قد ماتعمل على قد ماتشره

ترى الفوز بالسمعه قبلها بفوز الدين

وترى الفوز الاكبر جنة العبد في قبره