تجود القريحه بالشعر كل ماغنيت

وانا عندي الفنجال والبن والدله

يراعي على طرسي كتب ماعليه امليت

ولي هاجس لاهضت ياتي على حله

يقولون. قال فلان يافلان كيت وكيت

وانا اقول يانقال هرج القفا خله

تجيب الحكي لكن عقب المجي وديت

ولا امحق من الهرج الردي غير من شله

مدامي بعيد شبوح مالي ومال الهيت

مالد النظر في دق وقتي ولاجله

على جاحد المعروف ماابني ولاهديت

انا اطيب من اللي يجزي الطيب بالزله

اقدر بعض الاحيا على شيمة اللي ميت

وكم ميت ذكره على حيه جبله

بوضح النقا مبداي مافيه لو وليت

اعقد الحبل في منهج الطيب واحله

على المقديه عيني ليا رحت والا جيت

ولاني. من اللي فالوفا يلحقه خله