أنا مثل السجين إللي تحرى شمعة الإفراج

تعالي حلّي قيودي ترى في شوفك إفراجي

تعالي ثارت دموع الحزن وإستنفرت أفواج

تعالي دثّريني زمّليني ردي أفواجي

تعالي إضحكي وابكي على حالي بدون إحراج

توطّى عزتي جور الزمان وزوّد إحراجي

يقولون الغرام أعمى وأقول إن الوصال سراج

تعالي نوّري بالوصل حبي دامك سراجي

وقالوا إن الهوى مايعالجة دكتور أو حوّاج

واقول إلاّ رهيف العود دكتوري وحوّاجي

يجيني ويغدي شر الجروح أضحك وافل حجاج

يغيب يضيع فيني الكون أبكي واعقد حجاجي

فديتك مابقى فيني صبر والهم مايحتاج

متى يستيقظ شعورك تحني لي وتحتاجي

ألبسك الغلا قلادة وازخرف لك خقوقي تاج

ولو يزعل علي الكون كيفي قلادتي وتاجي