تغير المقطن على من سكن فيه

حتى مراحي صار يشبه رجوعي

ماعاد به شيٍ على الناس نخفيه

كلن معه من واقع الامر روعي

الحر قيل ان الاشاره تكفيه

واليوم شفت الحر ماعاد يوعي

ماني بلومه غثرب الوقت صافيه

وعن زودها والنقص قلبه قنوعي

ليا اقبل بخيره غدا الشر قافيه

وان واصل أرحامه يسمى قطوعي

وان سامح اللي في زمانه مجافيه

قيل السموحه خلفها. له سنوعي

وسلم الرفق لاصار دايم موفيه

قالوا علومه من نزول وطلوعي

اللي يبى يدرك رضا الناس تهفيه

ويضيع من مبداه غصبٍ وطوعي