توكلنا على محيي العروق اليابسه بالماء

وعسا من ضاق صبحه ماتغيب الا وهو مسرور

وعساالله لا يحد اجواد خلقه في دجا الظلماء

ويفرجها لما ضاقت ويجلا ظلمها بالنور

ويشفي كل عله والجروح اللي ماهي تدماء

اكيد ان الجروح اللي ماهي تدما وجعها جور

كفانا الضر والوقت الضرير ولفحت الحماء

ويبقا كل غالي من صواديف الزمن ماجور

عزيز يهمنا شرواه ماقد قيل له حماء

على روس الرجوم العاليه مع الصقور يحوم

وله لوحة شرف ومعلقه عندي مع لسماء

ولا علق سوا اللي بالشهامه والوفا مخبور

تعيل بنا البصاير كلها في ذا الزمن لعماء

ياالله تنهي الشده بخير ولا تبين عور

ضروري كل واحد ياخذ المكتوب له مهما

مشى معه القدم ولا سلك به والزمان يدور