جعل يوم العيد ينعاد ميعاده ومحيانه

والعرب في خير ونشاهد اللي عندنا غالي

والبخيت اللي يعيد مع اغلى الناس شيبانه

قبل ما يقبل على المنزل اللي عقبهم خالي

ويتفقد ربعه اللي ترد العلم واخوانه

وكل من عنده مجالٍ يزور العم والخالي

يكرم الضيفان ويعز جيرانه وصحبانه

وإن بدا الماجوب ما هو يهم الحال والمالي

يتصل ف اللي بعيد ولا ينساه في شانه

وإن تتطلب لمر يأتيه ما يسمع لعذالي

والقريب يواصله في مسراته وباحزانه

ما يغيب من الوعد في حلول المر والحالي

اسمع اللي عد نظمه يجمل كف ميزانه

والنشاما تستمع له وتحفظ كل ماقالي

المعاني واقعية حقيقية ومليانه

وابن منصور هروجه سمان وتشرح البالي

هي تهم اللي ظروف الليالي حزة ابطانه

وماتهم الجاهل اللاهي اللي خاطره سالي

من عرف مضمونها قالي صح الله السانه

يرفع عقاله تحية ويشكر طيب الفالي