حديتني حدك الله جعلك الهبَه

اجدد الدارلانك صرت قوماني

أعلاج عوقك عرفته عندنا طبَه

اللي باسويه من جدي وبلعاني

كم مرة قلت لك كثر الحكي كُبَه

يرخصك وانا اترفع منه ماجاني

نزلت هامت شموخي وانت تلعبَه

باهبال وجنون كنه لعب بزراني

غديت لي كاللبن حقنه كما صبَه

دامك كذا ماتعدل مالك اماني

دور لك لواحد تغليه وتحبه

واغسل يدك من محبتنا على شاني

ماني بطيرٍ تمسح له على الشَبَه

اتفرعه للهدد واتبرقعه ثاني

واللي تسويه فيني تشرب بغِبَه

ماتدري اني على عزي كحيلاني

ابانتقم منك وابركها علي نبَه

وِاخذ الجزا من رفيقٍ جاك دياني

جناحك اللي مع اللجه تقلَبَه

باكسِره وافارقك ماني بمتنواني

وتعود لصلك ضعيف ولالك ملبَه

تسقي دموعك اخدودك وبل وداني

والله يعطيك من ينشِبك وتنشبَه

وتعود لك اسنين لوَل قبل تلقاني

يالله يامنجي المظلوم من جُبه

يامعطي الحق تنصفني من الجاني