حكم الزمن 301 لا تجعل همومك على صدري كتاب وترحب بقلبي ولاقفيت تغتابه اناصبرت سنين لجل افتح ابواب والمشكله قلبك عجزت افتح ابوابه ودي ابين له من الخافق اعجاب ويشوف قلبي كيف يبديله اعجابه قدملي اوراق الغلا تنقص اعراب واظهر عليهاالصدق بعيون كذابه جيته وانا في خاطري كلمت اعتاب يسوقها الخافق وهو يعرف اسبابه كني اقول الشوق من خاطري طاب ولاهموم الوقت تشكيلي اتعابه قصده يزيد به الوله لين ماذاب همس الكلام اللي ضمى وارتوابه بس الزمن كشر على وجهه انياب وكم مرتٍ جرحه يزيد التهابه وانا صحيب الحظ والحظ جلاب حظ الزمان الي طعنه وسرابه يسري مع الأفكار لديار الأجناب ويَاكم سؤالٍ سهل صعبٍ جوابه لني اعيش بواقعه لين ماغاب وحتى القمر لاغاب يعلن غيابه امرايته عيني وتحرسه الأهداب وقلبي دفى برده وقطرة سحابه تفداه روحٍ حال من دونهاارقاب وعيوني اللي في خطاه وصوابه تكتب حروف اسمه على صفحة احباب وياخذ معاه الشوق ويقفل كتابه وترجع بها الاحزان طالب وطلاب فيهاالأمل والياس وجهين تتشابه يمسي بصدق ويصبح الصبح كذاب وبحر الهوى من بعد يبدي اغترابه وانا اسير الحب والحب غلاب وياكَم شخص الموت لجلهه صطابه
ملحمة نجران