الجمال انتِ وانتِ اللي وهبت الجمال

ولو نوى غزو كوكبك..الجمال اغتشاه

ليل شعرك وغطى الشامخات الطوال

ونور خدك بعد ذا بان واحرق سنـاه

انت كل الحسن بك والحلا والـدلال

بس مدري عرفت او فوق عينك غشاه

المهم اني اشوفـك كـذا والسـؤال

جاب نفسه يقول انك ليوسـف نـواه

ياخليـة جمـال ويـا مركَـب زلال

ياخليـط الجواهـر يامجسـم فـتـاه

لعنبوك انتي اللي صال فيني وجـال

وانتي اللي هزمتي جيش فكري حياه

انتـي الميمنـه والميسـره والقتـال

من نصيبك ما دامـك قايـدٍ للغـزاه

وانتي اللي رفعتي الطامنـه للجبـال

وانتي اللي هدمتي المرتفـع للوطـاه

وانتي اللي حكمتينـي بقيـد وغـلال

ماعرفت ان بنات آدم يصيرن قضـاه

وانتي اللي غرستي المرهفات السلال

وسط قلبـي وقلتـي دوروا للجنـاه