اعلمك..معنى فراق المحبين

يعني عزاك يكون سابق وفاتك

واعلمك..منهم جموع المعزين

هموم جاتك لجل تكتب وصاتك

واعلمك..ليه الحزن ساكن العين

يبكي على حظٍ وصلك وفاتك

واعلمك..متى تشوف الأمريين

بعدالوصل ياتي فراق بحياتك

واعلمك..معنى وابي تفهمه زين

طعم الفقر ماتعرفةفي غناتك

لأنك تشوف الناس عندك مساجين

وانت الوحيدالي طلعة براتك

وقد قالها ابن فطيس مره وثنتين

تدري وش ابيض من خفوقك عباتك

وللحكم معنى في قلوب الوفيين

وتعكس مدى نظرتك كلمةشفاتك

ومدري غرور النفس وصلك لاوين

مدري لقى نفسه بأربع جهاتك

صار اليمين شمال وشمالك يمين

هذا ختم ظلمك وهذي جزاتك

ولا الفرح عكسه معسكره للحين

يكتب على صفحتك من سيأتك

ويبكي علي فرقى قلوب المقفين

ويزيد هم القلب في ذكرياتك

واليوم صار الدرب مقسوم دربين

واكبر سبب معناه حبك لذاتك

ولا الوفاء موجود روض وبساتين

وشعلت فيةالنار واحرق نباتك