على صوت المآذن والاذان وزحمة ذنوبي

تغافلت الخطايا العوج وبعت الذنب للتوبه

تثاوب للخطا صوت وتنحنح اول عيوبي

عرفت اني الى ربي قريب ومتجـــه صوبـه

شعرت بقشعريره وارتعشت ولجت جنوبي

بعدها ماشعــــرت الا وانا غــارق بغيبوبــه

تخيلت الذنوب اللي توثب تتجه صوبي

وانا العبــد الفقير اللي يضيق بكثرة ذنوبــه

تخيلت القيامه والعذاب وضقت من ثوبي

تخيلت المعاصي السـود وضـاق القلب بجنوبه

ذكرت القارعه والزلزله وآنا ومكتوبي

وذكرت ان اصغر ذنوبي معي في لوح مكتوبه

من اول وحشة القبر الصغير فـ اول دروبي

الى حـــــد الصراط المستقيــم وآخر دروبـــه

انا دوبي وصلت من الغياهب والدجى دوبي

وقلبي تــو نــزع عنه ازارير الخطــا دوبه

مع صوت المؤذن بالآذان وزحمة ذنوبي

لعنت ابليس باربي وجيتــك راجــــي التوبه