نوينا السفر لبلاد الاجناب والكفار

نعالج ظروفٍ بعد توفيق مولانا

حجزنا على اللي لاعتلت تقرب المشوار

تبوج الخضيرا ويمة الشرق ممشانا

ثمانٍ من الساعات واحنا علينا حيار

مابين السما والقاع يالله ان تولانا

وصلنا وشاهدنا وجيه عليها غبار

من عبَادة الاصنام رييس وسكانا

وقله قليله تعبد الواحد الجبار

وعلى طاعة الله شكلها يوم تلقانا

حجزنا المبيت بشارع للعرب تذكار

واصبحنا صيام والمشافي تحرانا

من الصبح لين الظهر واحنا على المدار

الا قلت هانت جات نرس لها شانا

فحوصات دم وجهد وعيون واستبكار

وافحوصات قلب وعظم واجسام من دانا

وبعدها توجهنا على الخاص والسمسار

دكاتر تحب المال ومترجم جانا

وعرفنا النتايج بعد يومين ياستار

على اعصابنا يالله عسى انك ماتبلانا

وقالو عليك اجراء عمليه مع سونار

مع مبلغ ممتاز وترقد بمشفانا

وقلت استخير الله وهو الواحد القهار

هو اللي يقدينا وعلى الخير يهدانا

واجريت اتصالي بدكترٍ عارفٍ بيطار

وقال النتايج كلها جيبها هانا

وعلى دولة البحرين عدنا على المسار

لمشفى ابن النفيس بدولة العز ملفانا

قابلت الرفيق اللي يسوي لنا منظار

وقال انومك والصبح ناتيك باشيانا

ناتيك بممرض ثم تاتي شبيه احسار

ونقضي الشغل في ظرف ساعة اذا زانا

بعدها رقدنا وماعرفنا ويش اللي صار

وتوعيت بالغرفه ارى شبيلي احذانا

نشدته اقول اش صار قال العلوم اسرار

اذا جالك الدكتور اسأله وش كانا

ولفانا المعلم والفرح في جبينه صار

وقلت العلوم وقال علومك أزيانا

وخذينا تحت امرته ليالي بدون حيار

وعقبه توجهنا على من تحرانا

وانا باحمد الله طيبٍ واشكر الغفار

على صحتي والعافيه بعد ماضنانا

اضنانا المرض والخوف من رمية الاقدار

وانا بحمد الله جت سليمه ونجانا

هاذي اعلومناياللي تدور على الاخبار

جردت الذبيل وعام الاخبار تخفانا