رفقيك الصادق ينبك وينبيك

وده بما يرضيك وتسره أنباك

رصيد من وزنه تذوب الشرابيك

ما دونه أبواب وحارس وشباك

إلى دعيته وانتخيته يلبيك

من حيث ما قلت أنت وين أنت لباك

وإن جار وقتك تلتفت في مخابيك

وأظهرت ما يعجبك من وسط مخباك

والخايب إللي في الجمالة يغابيك

إلى تحريته تغيَّب وغاباك

ما ينفعل ولا تهيضه نوابيك

يشمت عليك وللمعادين يجباك

رفقه ملازمها ضعاف المشابيك

مفعولها مفعول قات وتنباك

وتقصير أخيك الواضح إللي على أبيك

غطه بفعل الطيب لا يفضح أباك

احسب لسمعة من تكلف يربيك

وارفع مقام إللي على الطيب رباك

لاتسمع إللي ما يعرف المحابيك

وإن غبت غاب وغيَّب اسمك وغباك