سابقات الصوت شلعت عقاب و جه داب

من لوتبه يرظخ الراس لسلم مغصوب

من صطرها يندفع خلفها مثل السراب

ليعدت كنها تقول المعادي دوب دوب

تستبق مثل القرانيس من فوق السحاب

وتلاعب مثل ريش يلاعبه الهبوب

فزعت المضيوم لما اعتلاها كل ناب

باشرت الاهداف فالحال والوقت محسوب

وقتها لحظات كنها رسايل واتساب

يرهب الطاغي صدى صوتها من كل صوب

وجعلها في طاعت الله وفي النهج الصواب

في حمات الدين والدار وامان الدروب

كلنا طابور ميدان شيبان وشباب

فالوطن والدين والعهد يجمعنا قروب

من حضر منا يسد اللوازم للغياب

مانخالف ليّ توجيه والطارف ينوب

نتّحد في وجهت الراي وحسان الجواب

ونجتمع يد واحده ونتساوا بالجنوب

مانمادي في التباعد وشرهات وعتاب

نتبع في عزت النفس صافين القلوب