سلامي على إللي يكرم الجار والخطار

وضيفه على روحه من إكرامه يبديه

ترا في المواجيب اختبار وكشف أخبار

من عنده نواقص ينطح الموجبه يمديه

نجاح وحرمان ورسوب وسحب وإنذار

ومن غش معلومة ردي الجهد يرديه

على مستوى الناجح نوادر صحب وأشرار

ومن قرب من جرباء الهجن بالجرب تعديه

مواهب وحظ وشايعه والبيوت أسرار

وحكيم الوعاء ما فيه من طيب ما يغديه

مافي رأس تلميذ المراجل من الأفكار

يعده ويعتده وفي موعده يبديه

يكمل لها رسمي و في حالة استنفار

ويختار ما يقديه من علم ويقديه

ومن غاب لظروفه يقدم صحيح أعذار

وحذاري يجيب أقبح من إللي فعل يسديه

من عنده رسوب وله طموح وشبة نار

يعيد النظر والمال يفديه ما يفديه

المؤمن على الله يتوكل و لا ينهار

لو مافي جيوبه ما يعشيه ويغديه

الله ينفع المحتاج ولي عليه أنظار

يعلم حال من يأمل ويسأل ويستهديه

يعلي رآيته في كل يوم اختبار أحرار

يعينه على إللي ما يعديه ويعديه

وترى كل زين يجيك بالوزن والمقدار

وللزين من يشريه ويبيعه و يهديه

وترى في الجميل كبار سن وفيه صغار

وما قدم المخلوق يلقاه بين أيديه

وبعض البشر رزقه مطر ينهمر هدار

و لا يأكله من سوء حظه ولا يديه

سوى به وبالهدار مادام فيه اهدار

اهدارٍ بلا مقدار هده ولا توديه

شاعر وعيل