سلامي لذربين الوجيه الغلاة سلام

واقول ارحبو ماهب ذاري هبايبها

عقبها عسى الله يبني ابناك ياحسام

وعسى يا الله بدنياك تجني اطايبها

حسام المراجل لي زهمته يجيك اشمام

ذلول المراجل راكب فوق غاربها

ذريت المراجل فيه لين انْه جا ضرغام

تزود القبيله به وتطْوَل شواربها

خذا الطيب من جد وخال ومن عمام

ولا يعتلي للعين ياكود حاجبها

ابا ادعي عدد من طاف بالبيت والمقام

وعدد بارق الوسمي بغُرّة سحايبها

عسى فالك التوفيق في قادم الايّام

وعسى لك حياة ٍ بالسعادة عواقبها