سلامي يعم اللي هنا فاالحفل ماجود

عدد مزنتن من غرت الصيف منصبه

وعدد ماتحنحن راعده والخِيال يقود

وسقا كل وادي واقبل السيل يلعبه

وعدد مانّبتت بعده سفوح وجبل ونفود

وعدد مارعاه من الرعايا وتشرب به

انا ودي اصرف عذب لبيات صرف انقود

في ليل ان يشرفني حضوره ومعجبه

معا ذا الوجيه اللي تشابه وجيه اسود

بني عمي اللي تجرح الكون و تطبه

ربعي وفي ميقافهم بثني المجهود

وانا كل واحد من بني عمي احبه

واللي حضر في حفلهم من ضيوف الجود

حن كلنا من قلب واحد نرحبه

والمحتفابه عاش راس ان يجي باالفود

جاب العلوم الغانمه في اول الشبّه

حن ننتظر من غاب منا يلين ايعود

ولما اقبل متوج باالنجاح انتباشر به

نلقاه باالفنجال لول ونفح العود

ومقلّط من كل جزله يقلطبه

هلا يا محمد ببن ميهاط نسل العود

ولد هادي اللي في النواميس يحسبه

وين الغرابه ونت من صلب ذاك العود

اللي على ذرب العلوم انتفاخر به

ورفيق الزعيم اللي رحل والذكر ماجود

حامي الحدود اللي المثايل تضاربه

شيخ انشجا ع ومن فعوله رقا سنود

وشديد باس ومن طلب فزعته لبه

وراعي ملاقا لبرم العود زند العووود

وسنان عوده فكبر القوم يضر به

تخلد بطولات البطل حاضر ومفقود

ابو منيره جعل فاله رضا ربه

والا مات من خلّف ونسل الفهود فهود

تسد الزوم و ناهجين ان على دربه

وامور الخلايق كلها في يد المعبود

وماجا من الله في عباده فيشكربه

ونمشي على تقوا وطاعه وصون عهود

ويصبر لحكم الله من جات في جمبه

وحن كلنا في ضل حكامنا ال سعود

في خير ورخا وامان وامن انتمتعبه

وعسا علوم ما تناسب سهود مهود

و عسا الله يقضي كل دين نطالبه