شيٍ جديد وكل لحظه جديده

حتئ الشعور اللي احسه جهلته

واللي اجيده صرت ماني اجيده

واللي عرفته كنني ماعرفته

حتئ طريقٍ خابره كان سيده

كثرة ملاويه وانا قد طرقته

القلب ظخه مثرٍ في وريده

والعلم في صدري حفرة وقبرته

وكتبت فوق القبر فرصه سعيده

واسقيت وردٍ فوق قبره زرعته

صومني وصمته وراكن بعيده

ثم جاب فيني عيده اللي رقبته

وقام يتعذر بالظروف العنيده

مايدري اني قبل عذره خسرته

وصافحته موادع وداع الفقيده

وهو يحسب اني سامح وقد عذرته

ياما طلبت الله عليه يعيده

وياما شكيت فراقه ومحتملته

وياما بكت عيني بعد ما شديده

راحو جنوب العان وانا حدرته

اثره حبيبٍ ما لقلبه عقيده

ووصله معي من باب وقت وتركته

وقفيت من عنده وقلبي يريده

وجبرت نفسي بالوداع وجبرته

والغيت رقمه مع رسايل بريده

وكل التواصل مع حبيبي قطعته

واسلمت همٍ كان بعده يزيده

واسلمت دمع ينتثر لا ذكرته

مادامه الراضي علئ فعلة ايده

فانا رضيت بفعلي اللي فعلته