ضــيــوف الــفــكــر 185 لاعاد تبكيني فديتك ولا ابكيك دام ان عينك فالمحبه كفيفه ودام الجفى عنوان يحكي مباديك عمر الوصل زايل لوانك تضيفه والحب واحة همً والشوق ماضيك تغرق بها دام الأمانه ضعيفه ومهما زرعت من الأماني براضيك زرع الشتاء ماينزرع في خريفه وغيم الوفاء ماضنتي يلتفت فيك عقب الجروح اللي تسبب نزيفه وسفن الغلا دايم تعدي موانيك من بعد ماشالت خساره كليفه وبحر الهموم اللي يعانق شواطيك لايحزنك مادام عانق حليفه ودامك تشوف الحزن بعيون مغليك مامربك لكن يذًكرك طيفه بجروح قلبه كل مامر طاريك ولامن ذكر معنى الأيادي النضيفه اللي تمد الود من شان ترضيك وترفض تبادلها الغلا بالنصيفه ويضيع كل اللي جمعته بياديك وتطيح قدامك قصورٍ منيفه وباب الأمل فاني ولافيه تشكيك لامن شهر في وجه الأيام سيفه
ملحمة نجران