طلاقة الرجل مُقْدمها ابيه

وفوق الناس يرفع قدر أخيه

ويقوم بندّته تو ابن عمه

ولي جا شان ربعه يحتضيه

ويصخي لي بدا الواجب حلاله

وضيف الموجبه لزم ن عليه

بعَدها ياالشلي منّي نصيحه

مورّدها على العِدّ النّزيه

توجّه ياالسنافي للسنافي

يزيد العمر تسيورك عليه

وترّك واحد ن ما انوى جماله

وفعل الجود ما يطري عليه

يسولف في المجالس كنه باشه

وترى بخّاسة الرجل اقربيه

وترى من في المراجل قِصر حبله

تجنّب جيّته يااللي تبيه

وبيت ن ما تشرّفه الضيوف

ولا تدخله سفرين الوجيه

عسى راعيه يبلى بالمعسره

تقلّب في الزّهاديّه يديه